ذكريات ومذكرات النصابين

بقلم: أكرم نصر الدين

من مذكرات ليبرالي علماني .

– مرسى لو ركب وتمكن حياخد السلم معاه ومش حينزل إنما السيسى لو ما عجبناش . ميدان التحرير موجود .

– مرسى عمل إعلان دستوري استبدادي وعمل نفسه فرعون .

– طول ما الدم المصري رخيص .. يسقط يسقط أى رئيس .

– الإخوان عملوا مجلس شعب ملاكي واستولوا على 48% من المقاعد واحنا عايزين مجلس توافقى .

من مذكرات ثائر وخلاص .

– الشرعية للميدان مش للبرلمان .

من مذكرات مواطن غلبان .

– إيه يعنى المنجة بـ 4 جنيهات . المهم يرخصلولنا اللحمة اللى بقت بـ 55 جنيها .

– مفيش بنزين 80 ولا سولار وبنشتريه من السوق السودة الصفيحة بـ 30 جنيها .

– الدولار حيوصل 7 جنيهات والبلد بتضيع وحنوصل للإفلاس .

– مرسى بيركب طيارات ويروح عمرة هوه وعيلته على حساب البلد .

– مرسى بيروح يصلى الفجر وبيشغل معاه الحرس وكله من ميزانية البلد .

– البلد عايزة رئيس دكر يوقف أثيوبيا عند حدها .

.

من مذكرات يسارى ناصرى قومجى

– مرسى قال عزيزى بيريز .

– مرسى حيبيع سينا لحماس .

– الأراضي المصرية خط أحمر .

.

من مذكرات ناصح وفاهم .

– مرسى قال سلامة الخاطفين والمخطوفين .

.

من مذكرات نورى متسلفن .

– مرسى أخون البلد .

– مرسى بقاله سنه ما طبقش الشريعة .

– المادة 219 خط أحمر .

– مرسى نشر التشيع .

– مرسى عايز يجيب قرض ربوى .

– فضيلة الشيخ ياسر برهامى اتفتش فى المطار .

.

من مذكرات أزهرى .

كرامة الأزهر وشيخ الأزهر خط أحمر

.

من مذكرات طبيب نفسانى وناشط سياسى فى نفس الوقت .

– طريقة كلام مرسى وكاريزمته تدل على إنه مريض نفسانى .

.

من مذكرات موظف حكومى .

. احنا فى إضراب . الرواتب لازم تزيد فورا .

إحنا ما عملناش ثورة وشلنا مبارك علشان تفضل رواتبنا زى ما هيا .

.

.

عند الله تجتمع الخصوم .

.