“تويتر” يشتعل بهاشتاج “مصر_عملتلك_ إيه” ومغردون: بتصحينا علي أخبار كلها سواد

دشن رواد موقع التدوين المصغر “تويتر”، هاشتاج حمل اسم “مصر عملتلك إيه”، وتوالت التغريدات المستنكرة لما يحدث في مصر الآن.

قال فارس الميدان : ” ولا حاجه غير اننا كل يوم بنصحي علي أخبار كلها سواد في سواد من قتل واعتقال واختفاء قسري للشباب الخ”.

وغرد صاحب حساب بقوله : ” عملتلى سجون جديده، وعاصمه جديده، وقناة سويس جديده، وفى الآخر عالجتنى بالكفته”.

وعلقت عنان : ” عملت كل حاجه، عيشتنى عيشه مرار وصابره، فاضل بس تفرض ضريبة على الصبر”.

وقالت منة الله : ” مصر هي أمي اجوزت من واحد خاين بيقتل شبابها ويغتصب بناتها وبيبع ارضها وعامل تطبيع مع الصهاينه ال هما في الأصل أعداء الأمه”.

وغرد مارو : ” عملتلي عقده  في حياتي، بحبها ومقدرش ابعد عنها، وبكرهها ومش عارفة اعيش فيها، بلد بتخلي الحرامي وزير وبتحبس المهندس والدكتور”.

وقال أحمد البيه : ” خلت شوية أوساخ وجهله يحكمونا ويقتلوا ويسجنوا أحسن ناس وينهبوا خير البلد، وفي كلاب بعد كل ده بيقولوا عليهم خير أجناد الارض”.

وقالت رحمة : ” معملتيش حاجة والله جبتلى اكتئاب حاد والله”.

وغرد أحمد غنيم بقوله : ” ما انا مش لاقي حاجه عدله مصر عملتهالي”.

وقال أسامة : ” كوبري 6 أكتوبر اللي طول اليوم واقف يا حببتي يا مصر”.