للسخرية من السيسي.. “بلحة عايز فكة” يتصدر “تويتر” ومغردون : شحات وبقي رئيس

تواصلت سخرية رواد مواقع التواصل الاجتماعي من قائد الانقلاب العسكري، عبد الفتاح السيسي، وذلك تعقيبًا على خطابه الذي ألقاه أمس الاثنين بالإسكندرية، ودعا فيه المصريين التبرع بالمبالغ “الفكة” لصالح مشاريع ينوي إقامتها بدعوى انها لخدمتهم.

ودشن النشطاء هاشتاج حمل اسم #بلحة_عايز_الفكة، والذي تصدر قائمة موقع التواصل الاجتماعي “تويتر” بسبب كثرة التغريدات التي توالت على الهاشتاج.

وقال الأرشيدوق : ” والشحات لو ربنا كرموا و بقي رئيس جمهوريه بردو هيفضل عايز الفكه”.\

وعلق البرنس : ” ماهو الموضوع يبدأ بالفكه بعد كده نص الراتب بعد كده انتوا تقبضوا شهر ومصر تقبض شهر”.

وغرد صاحب حساب بقوله : ” قد يأتيك الابتلاء علي هيئة رئيس جمهورية ياخد الفكه اللي في جيبك !”.

وقال فارس : ” فين مليارات الخليج اللى انت سرقتها، فين فلوس مصانع الغاز والبترول، فين فلوس صندوق تحيا مصر، فين فلويس حلق الحاجه زينب”.

وسخرت مريم التابعي قائلة : ” انا خايفة بعد الفكة ياخد سندوتشات العيال”.

وعلقت رانيا : “الدوله إلي بتشحت من شعبها دوله فاشلة اقتصاديا من الدرجة الأولي”.

وسخر حازم بقوله : ” -مصر2014 : اتبرع لمصر 
-مصر2015 : صبح ع مصر بجنيه 
-مصر2016 :هات فكه 
-مصر2017 :شوف لنا حاجة بايته ف التلاجه”.

وقالت عنان : “بقيت مادى اوى يابلحه، فين أيام انتوا متعرفوش انكو نورعنينا، وهذا الشعب لم يجد من يحنو عليه، مفيش معندناش نجبلك منين”.

وعلق كشري ساخرًا : ” ياريت نشوف للريس ٥٠ قرش فكة يا جماعة على ما يفك ال١٠٠ مليار بتاعة قناة السويس الجديدة خلينا متعاونين”.

كان قائد الانقلاب عبد الفتاح السيسي، طالب الموظفين المصريين بالتبرع عبر التنازل عن القروش القليلة خلال معاملاتهم البنكية لصالح المشروعات القومية، وقال السيسي، خلال كلمته في افتتاح مشروع “غيط العنب” بالإسكندرية،  أمس الاثنين: “أنا عايز فكة معاملاتكم البنكية ومرتباتكم هتفيد البلد وهتعمل ملايين ايوة والله صدقوني.. يعني لو واحد بيصرف شيك بـ 1255 وشوية فكة.. ناخد الفكة دي ونحطها في حساب لصالح البلد”.