أسيادنا فى الزنازين.. كلمات: نبيه عبدالمنعم

يا طائر الليل الحزين .

بلغ سلام لسيادنا فى الزنازين .

صحبة على الطاعه …

صحبه فى صف الصلاه أول جماعه .

يا صحبة الأبرار ..

يا صحبة الأذكار …..

ساعة غروب الشمس وطلوع النهار .

بلغ سلامنا وقول لهم إن احنا مشتاقين .

.

فى السجن بين أربع حيطان …..

ما يهمشى قسوة السجان ……

والكل بين راكع وساجد ….

قران . حديث . سيرة مجاهد .

زنازين هناك والا مساجد ….

يا رب تتقبل من الاخوان …. .

.

والزوجه والاولاد رايحين زياره…… والشمس كل شوية بتزيد الحراره …..

فى وشهم صرخ الشاويش ..

الاكل ده مخالف وما يعديش ….

والحقد باين من عيون تضرب شراره …

ومعامله تانيه حلوه لبتوع الدعاره …..

.

اقفل بيبانك يا شويش على أكل وهدوم … لكن حتعمل ايه بيبانك لما تطلع دعوة المظلوم

دعوه ورايحه ع السما من غير حجاب …

طلعت خلاص السهم صاب …

لو حتى سادد الف باب ……

عارفه طريقها راح تصيب ظالم غشوم .

.

إوعاك تفكر إن دول مساجين .

أو إن ابواب حديدك خلفها زنازين .

دول قادة الامه ونخبتها .

بيفكروا فى حل ازمتها .

وبجهزوا ويعدوا خطتها .

هما اللى مهمومين . هما اللى شغالين .

هيا استراحة محارب وبعدها راجعين .